யாருக்கெல்லாம் கல்வி உதவித்தொகை ரூ. 2 லட்சம் கிடைக்கும்? கடைசி தேதி செப்டம்பர் 30
2 Lakh Scholarship Scheme Details Tamil Nadu
2 Lakh Scholarship Scheme Details Tamil Nadu: மத்திய அரசின் கல்வி நிறுவனங்களான IIT, IIM, NIT மற்றும் மத்திய பல்கலைக்கழகங்களில் பயிலும் தமிழக மாணவர்களுக்கு கல்வி உதவித்தொகை வழங்கப்படுகிறது. 2025-2026 ஆம் கல்வி ஆண்டிற்கான புதிய மற்றும் புதுப்பித்தல் விண்ணப்பங்கள் வரவேற்கப்படுகின்றன. தகுதியுடைய மாணவர்கள் இந்த உதவித்தொகைக்கு விண்ணப்பிக்கலாம்.
யாரெல்லாம் விண்ணப்பிக்கலாம்?
- மத்திய அரசின் கீழ் இயங்கும் ஐ.ஐ.டி (IIT), ஐ.ஐ.எம் (IIM), என்.ஐ.டி (NIT) மற்றும் மத்திய பல்கலைக்கழகங்களில் பட்டப்படிப்பு மற்றும் பட்ட மேற்படிப்பு பயிலும் தமிழகத்தைச் சேர்ந்த மாணவர்கள் இந்த உதவித்தொகைக்கு விண்ணப்பிக்கலாம்.
- பிற்படுத்தப்பட்டோர் (BC), மிகவும் பிற்படுத்தப்பட்டோர் (MBC) மற்றும் சீர்மரபினர் (DNC) வகுப்பைச் சேர்ந்த மாணவர்கள் மட்டுமே தகுதியானவர்கள்.
- குடும்ப ஆண்டு வருமானம் ₹2.50 லட்சத்திற்கு மிகாமல் இருக்க வேண்டும்.
- ஒரு குடும்பத்தில் ஒருவர் மட்டுமே இந்த உதவித்தொகையைப் பெற முடியும்.
- மத்திய அல்லது மாநில அரசின் வேறு எந்த உதவித்தொகை திட்டங்களின் கீழ் பயன் பெறும் மாணவர்கள் இந்த உதவித்தொகைக்கு விண்ணப்பிக்க இயலாது.
கல்வி உதவித்தொகை விவரம்
இந்த உதவித்தொகையாக, ஒரு மாணவர் செலுத்திய கற்பிப்புக் கட்டணம், சிறப்பு கட்டணம், தேர்வு கட்டணம் மற்றும் இதர கட்டணங்கள் வழங்கப்படும். அதிகபட்சமாக ஆண்டிற்கு ₹2.00 லட்சம் வரை கல்வி உதவித்தொகை கிடைக்கும்.
விண்ணப்பிக்கும் முறை மற்றும் முகவரி
- இந்த கல்வி உதவித்தொகைக்கான விண்ணப்ப படிவத்தை, https://bcmbcmw.tn.gov.in/welfschemes.htm#scholarshipschemes என்ற இணையதள முகவரியில் இருந்து பதிவிறக்கம் செய்யலாம்.
- பூர்த்தி செய்யப்பட்ட விண்ணப்பங்களை, சம்பந்தப்பட்ட கல்வி நிறுவனத்தின் சான்றொப்பத்துடன் (Bonafide Certificate), உரிய துறைக்கு அனுப்ப வேண்டும்.
முக்கிய தேதிகள்
- புதுப்பித்தல் (Renewal) விண்ணப்பங்களை சமர்ப்பிக்க கடைசி தேதி: 30.09.2025
- புதிய (Fresh) விண்ணப்பங்களை சமர்ப்பிக்க கடைசி தேதி: 31.10.2025
விண்ணப்பங்களை அனுப்ப வேண்டிய முகவரிகள்:
- பிற்படுத்தப்பட்டோர் வகுப்பு மாணவர்கள்: ஆணையர், பிற்படுத்தப்பட்டோர் நல இயக்ககம், எழிலகம் இணைப்பு கட்டடம், 2வது தளம், சேப்பாக்கம், சென்னை-5.
- மிகவும் பிற்படுத்தப்பட்டோர் மற்றும் சீர்மரபினர் வகுப்பு மாணவர்கள்: ஆணையர், மிகவும் பிற்படுத்தப்பட்டோர் மற்றும் சீர்மரபினர் நல இயக்ககம், எழிலகம் இணைப்பு கட்டடம், 2வது தளம், சேப்பாக்கம், சென்னை-5.
