LPG சிலிண்டர் விலை குறைந்தது: செப்டம்பர் முதல் நாளே வந்த குட் நியூஸ்!
LPG Rate Reduced 1 Sep 2025
LPG Rate Reduced 1 Sep 2025: செப்டம்பர் 1ஆம் தேதி முதல் வணிக ரீதியான எல்பிஜி சிலிண்டர்களின் விலை குறைந்துள்ளது. இது தொடர்பான முக்கிய அம்சங்கள் இங்கே விரிவாக தொகுக்கப்பட்டுள்ளன.
வணிக எரிவாயு சிலிண்டர் விலை குறைப்பு
- எண்ணெய் நிறுவனங்கள் 19 கிலோ வணிக எல்பிஜி சிலிண்டரின் விலையை ரூ. 51.50 குறைத்துள்ளன. இந்த புதிய விலை செப்டம்பர் 1, 2025 முதல் அமலுக்கு வந்துள்ளது.
- இந்த விலை குறைப்பால் உணவகங்கள், ஹோட்டல்கள் மற்றும் சிறு வணிக வர்த்தகர்களுக்கு நிதிச் சுமை குறையும் என எதிர்பார்க்கப்படுகிறது.
- முக்கிய நகரங்களில் 19 கிலோ வணிக எரிவாயு சிலிண்டரின் திருத்தப்பட்ட விலை விவரம்:
- சென்னை: ₹1,738
- டெல்லி: ₹1,580
- கொல்கத்தா: ₹1,684
- மும்பை: ₹1,531.5
வீட்டு உபயோக எரிவாயு சிலிண்டர் விலையில் மாற்றம் இல்லை
- 14.2 கிலோ வீட்டு உபயோக எல்பிஜி சிலிண்டரின் விலையில் எந்த மாற்றமும் செய்யப்படவில்லை. பொது மக்கள் இந்த விலையைக் குறைக்குமாறு தொடர்ந்து கோரிக்கை விடுத்து வருகின்றனர்.
- முக்கிய நகரங்களில் 14.2 கிலோ வீட்டு உபயோக எல்பிஜி சிலிண்டரின் தற்போதைய விலை:
- சென்னை: ₹868.5
- டெல்லி: ₹853
- மும்பை: ₹852.5
- கொல்கத்தா: ₹879
விலை நிர்ணய காரணிகள்
- இந்தியன் ஆயில், ஹிந்துஸ்தான் பெட்ரோலியம் மற்றும் பாரத் பெட்ரோலியம் போன்ற பொதுத்துறை எண்ணெய் நிறுவனங்கள், ஒவ்வொரு மாதமும் சர்வதேச சந்தையில் உள்ள கச்சா எண்ணெய் விலை மற்றும் அந்நியச் செலாவணி விகிதங்களின் அடிப்படையில் எல்பிஜி சிலிண்டர் விலையை நிர்ணயிக்கின்றன.
வணிக சிலிண்டர் விலை தொடர்ந்து ஐந்தாவது முறையாக குறைக்கப்பட்டிருப்பது குறிப்பிடத்தக்கது.
