முத்ரா திட்டம்: 20 லட்சம் வரை கடன் தரும் சூப்பர் திட்டம்- முழு விவரங்கள் இதோ!
Mudra Loan Scheme Full Details 2025
Mudra Loan Scheme Full Details 2025 : மத்திய அரசால் சிறு, குறுந்தொழில்களை ஊக்குவிக்கும் நோக்கில் அறிமுகப்படுத்தப்பட்டதே பிரதான் மந்திரி முத்ரா யோஜனா (PMMY) திட்டம் ஆகும். இத்திட்டத்தின் கீழ் ரூ. 50,000 முதல் ரூ. 20 லட்சம் வரை தொழில் கடன் பெற முடியும்.
முத்ரா திட்டம் என்றால் என்ன?
- முத்ரா (MUDRA): இது Micro Units Development & Refinance Agency Ltd. என்பதன் சுருக்கமாகும்.
- பங்கு: இது 2016-ல் குறு மற்றும் சிறு தொழில் நிறுவனங்களின் வளர்ச்சிக்காக அமைக்கப்பட்ட ஒரு நிதி நிறுவனம்.
- செயல்பாடு: முத்ரா நேரடியாகப் பொதுமக்களுக்குக் கடன் கொடுப்பதில்லை. மாறாக, இது ஒரு மறு நிதியளிப்பு (Refinancing) நிறுவனம் ஆகும். சிறு தொழில்களுக்குக் கடன் வழங்கும் வங்கிகள், வங்கி சாரா நிதி நிறுவனங்கள் (NBFCs), குறு நிதி நிறுவனங்கள் (MFIs) போன்ற அனைத்து நிதி நிறுவனங்களுக்கும் முத்ரா நிதியுதவி அளிக்கிறது.
- நோக்கம்: அமைப்புசாரா சிறு வணிகத் துறைக்கு (Non-Corporate Small Business Sector – NCSBS) முறையாக நிதி உதவி கிடைப்பதை உறுதி செய்து, அவர்களை நிதித் துறையின் மைய நீரோட்டத்திற்குக் கொண்டு வருவதே இதன் நோக்கமாகும்.
முத்ரா கடனின் வகைகள் மற்றும் தொகை
தொழில்முனைவோரின் வளர்ச்சி நிலைக்கு ஏற்ப, முத்ரா திட்டத்தின் கீழ் நான்கு வகைகளில் கடன்கள் வழங்கப்படுகின்றன:
தொழில் கடன் பெறத் தகுதியானவர்கள் யார்?
முத்ரா கடன் பெற, விண்ணப்பதாரர்கள் பின்வரும் தகுதிகளைப் பெற்றிருக்க வேண்டும்:
- குடியுரிமை: இந்தியக் குடிமகனாக இருக்க வேண்டும்.
- தொழில் துறை: விவசாயம் அல்லாத, வருமானம் ஈட்டக்கூடிய உற்பத்தி, பதப்படுத்துதல், வர்த்தகம் அல்லது சேவைத் துறையில் ஒரு தொழில் திட்டம் இருக்க வேண்டும்.
- கடன் தேவை: ரூ. 20 லட்சம் வரை கடன் தேவை இருப்பவர்கள் விண்ணப்பிக்கலாம்.
- புதிய தொழில்முனைவோர்: நீங்கள் புதிதாகப் பட்டம் பெற்றவராகவோ அல்லது வேறு தகுதி பெற்றவராகவோ இருந்தாலும், ஒரு நல்ல தொழில் திட்டம் உங்களிடம் இருந்தால், உங்களால் ‘சிசு’ பிரிவின் கீழ் நிதியுதவி பெற முடியும்.
கடன் பெறுவது எப்படி?
முத்ரா கடனைப் பெற விரும்பும் தொழில்முனைவோர், முத்ராவுடன் இணைந்துள்ள பின்வரும் நிதி நிறுவனங்களில் ஏதேனும் ஒன்றை நேரடியாக அணுகலாம்:
- பொதுத் துறை மற்றும் தனியார் வங்கிகள்
- வங்கிசாரா நிதி நிறுவனங்கள் (NBFCs)
- குறு நிதி நிறுவனங்கள் (MFIs)
- ஊரக வங்கிகள்
வட்டி விகிதம்: முத்ரா ஒரு மறு நிதியளிப்பு நிறுவனம் என்பதால், கடனை வழங்கும் நிறுவனம் நிர்ணயிக்கும் வழக்கமான வட்டி விகிதமே உங்களுக்குப் பொருந்தும். இந்த வட்டி விகிதம் ரிசர்வ் வங்கியின் (RBI) வழிகாட்டுதல்களின்படி இருக்கும்.