EPFO 3.0: UPI, ATM மூலம் PF தொகையை எடுப்பதற்கான வரம்பு என்ன?
EPFO 3.0 PF Amount UPI ATM Withdrawal Limit Details Here: ஊழியர்களின் வருங்கால வைப்பு நிதி நிறுவனமான EPFO, அதன் உறுப்பினர்களுக்குப் பெரும் நன்மைகளை அளிக்கும் விதமாகப் பல புதிய மாற்றங்களைக் கொண்டு வரவுள்ளது.
இந்த மாற்றங்கள் EPFO 3.0 திட்டத்தின் ஒரு பகுதியாகும். இதன் மூலம், பிஎஃப் கணக்கிலிருந்து பணம் எடுக்கும் முறை அதிநவீனமாகவும், வேகமாகவும் மாறும் என எதிர்பார்க்கப்படுகிறது.
பணம் எடுக்கும் வழிமுறைகளில் நவீன மாற்றம்
EPFO 3.0 திட்டம் அமலுக்கு வந்த பின், பிஎஃப் கணக்கு வைத்திருப்பவர்கள் தங்கள் பணத்தை எடுப்பதற்குப் பல புதிய வழிகள் அறிமுகப்படுத்தப்படும்.
ஊழியர்கள் தங்கள் ஏடிஎம் கார்டைச் பயன்படுத்தி நேரடியாக ஏடிஎம் மையங்களில் பணம் எடுக்கலாம்.
அதேபோல், UPI செயலிகளைப் பயன்படுத்தி, QR குறியீட்டை ஸ்கேன் செய்தும் பணம் எடுக்கும் வசதி விரைவில் வர உள்ளது.
இந்த வசதிகள் அறிமுகப்படுத்தப்பட்டால், அவசர மருத்துவச் செலவுகள், கல்வித் தேவைகள், வீடு கட்டுதல் அல்லது உடனடி குடும்பத் தேவைகள் போன்ற அவசர காலங்களில் ஊழியர்கள் உடனடியாகப் பணத்தைப் பெற முடியும்.
தற்போது, பணம் எடுக்க ஆன்லைன் போர்ட்டலில் படிவத்தைப் பூர்த்தி செய்து, அதற்கு ஒப்புதல் பெறுவதற்கு அதிக நேரம் தேவைப்படுகிறது. புதிய மாற்றங்களால் இந்தப் பணி மிகவும் எளிதாகும்.
ஏடிஎம் மற்றும் UPI மூலம் பணம் எடுப்பதற்கான வரம்பு
EPFO 3.0 திட்டத்தின் கீழ் பணம் எடுப்பதற்கான வரம்பு குறித்து இதுவரை எந்த அதிகாரப்பூர்வ அறிவிப்பும் வெளியாகவில்லை. இருப்பினும், சில வட்டாரங்கள் தகவல்களைப் பகிர்ந்துள்ளன.
- ஏடிஎம் மூலம் பணம் எடுக்கும் வரம்பு: ஒருமுறை பணம் எடுக்கும் வரம்பு ரூ.10,000 முதல் ரூ.25,000 வரை இருக்கலாம் என்றும், ஒருமுறை பணம் எடுத்த பின் மீண்டும் எடுக்க 30 நாட்கள் இடைவெளி தேவைப்படலாம் என்றும் கூறப்படுகிறது.
- UPI மூலம் பணம் எடுக்கும் வரம்பு: உடனடித் தேவைக்காக ரூ.2,000 முதல் ரூ.3,000 வரை எடுக்க அனுமதிக்கப்படலாம். ஒரு நாளைக்கு ரூ.25,000 வரை எடுக்கவும் வாய்ப்புள்ளது எனத் தெரிகிறது.
இந்தத் தகவல்கள் வெறும் மதிப்பீடுகள் மட்டுமே. உண்மையான வரம்பு மற்றும் விதிமுறைகள் குறித்து EPFO அதிகாரப்பூர்வ அறிவிப்பை வெளியிட்ட பின்னரே தெளிவு ஏற்படும்.
EPFO 3.0 அமலுக்கு வரும்போது, பிஎஃப் கணக்கு செயல்முறைகள் மிகவும் எளிதாகவும், உறுப்பினர்களுக்குப் பயனுள்ளதாகவும் மாறும் என எதிர்பார்க்கப்படுகிறது.