தமிழக அரசு வழங்கும் ரூ. 4000 யாருக்கெல்லாம் கிடைக்கும்?- முழு விபரம் இதோ!
TN Govt 4000 Rupees Free Amount News
TN Govt 4000 Rupees Free Amount News: தமிழ்நாடு அரசின் சார்பில் பல்வேறு நலத்திட்ட உதவிகள் மக்களுக்குச் செயல்படுத்தப்பட்டு வருகின்றன. அந்த வகையில், ஆகஸ்ட் 1-ஆம் தேதி முதல், நான்கு முக்கியத் திட்டங்களின் கீழ் பயனாளிகளுக்கு மாதாந்திர நிதி உதவி நேரடியாக அவர்களது வங்கிக் கணக்கில் வரவு வைக்கப்படுகிறது. இந்தத் திட்டங்களின் மூலம் ஒரு குடும்பம் மாதம் ரூ.4,000 வரை பெற முடியும்.
பல்வேறு திட்டங்களின் ஒருங்கிணைப்பு
குடும்பத்தின் பல்வேறு உறுப்பினர்களின் தேவைகளைப் பூர்த்தி செய்யும் வகையில், நான்கு தனித்தனித் திட்டங்கள் ஒருங்கிணைக்கப்பட்டுள்ளன. இந்தத் தொகைகள் பொதுவாக ஒவ்வொரு மாதத்தின் முதல் இரண்டு வாரங்களுக்குள் விடுவிக்கப்படும்.
- கலைஞர் மகளிர் உரிமைத்தொகை: இந்தத் திட்டத்தின் கீழ் ஒரு கோடிக்கும் அதிகமான குடும்பத் தலைவிகளுக்கு மாதம் ரூ.1,000 வழங்கப்படுகிறது.
- புதுமைப் பெண் திட்டம்: அரசுப் பள்ளிகளில் படித்து உயர்கல்விக்குச் செல்லும் மாணவிகளுக்கு மாதம் ரூ.1,000 உதவித்தொகை வழங்கப்படுகிறது.
- தமிழ் புதல்வன் திட்டம்: அரசுப் பள்ளி மாணவர்களின் உயர்கல்வியை ஊக்குவிக்க மாதம் ரூ.1,000 வழங்கப்படுகிறது.
- முதியோர் ஓய்வூதியம்: ஆதரவற்ற முதியோரின் கண்ணியமான வாழ்க்கைக்காக, தகுதியுள்ளவர்களுக்கு மாதம் ரூ.1,000 ஓய்வூதியமாக வழங்கப்படுகிறது.
ரூ.4,000 பெறுவது எப்படி?
ஒரு குடும்பத்தில் உள்ள தகுதியுள்ள நபர்கள் மேற்கண்ட நான்கு திட்டங்களிலும் பயனடையும்போது, அந்த குடும்பத்தின் மொத்த மாதாந்திர உதவித்தொகை ரூ.4,000 ஆக உயர வாய்ப்புள்ளது.
உதாரணமாக:
- குடும்பத் தலைவி – கலைஞர் மகளிர் உரிமைத்தொகை (ரூ.1,000)
- உயர்கல்வி பயிலும் மகள் – புதுமைப் பெண் திட்டம் (ரூ.1,000)
- உயர்கல்வி பயிலும் மகன் – தமிழ் புதல்வன் திட்டம் (ரூ.1,000)
- வீட்டில் உள்ள முதியவர் – முதியோர் ஓய்வூதியத் திட்டம் (ரூ.1,000)
இப்படி ஒரு குடும்பத்தில் உள்ள தகுதியுள்ள அனைவரும் நான்கு திட்டங்களிலும் பயனடையும்போது, அந்த குடும்பம் மொத்தமாக ரூ.4,000 நிதி உதவி பெறலாம்.
