தமிழ்நாடு அரசு மாதம் ₹ 8,000 உதவித்தொகை பெற விண்ணப்பிக்கலாம்! TN Scholar Pension Announced Government 8000 Rupees Apply Now

தமிழ்நாடு அரசு மாதம் ₹ 8,000 உதவித்தொகை பெற விண்ணப்பிக்கலாம்!

TN Scholar Pension Announced Government 8000 Rupees Apply Now

TN Scholar Pension Announced Government 8000 Rupees Apply Now: தமிழ்நாடு அரசு, தமிழ் வளர்ச்சித் துறையின் சார்பில், தமிழுக்கு அரிய தொண்டாற்றி வரும் அகவை முதிர்ந்த தமிழறிஞர்களுக்கான உதவித்தொகை வழங்கும் திட்டத்தை செயல்படுத்தி வருகிறது. இத்திட்டத்தின் கீழ் தகுதியான தமிழறிஞர்கள் மாதந்தோறும் ₹ 8,000 பெற விண்ணப்பிக்கலாம்.

திட்டத்தின் முக்கிய அம்சங்கள்

• உதவித்தொகை உயர்வு: தமிழறிஞர்கள் முதுமைக் காலத்தில் வறுமையின்றி வாழ, மாதந்தோறும் ₹ 7,500 உதவித்தொகையும், ₹ 500 மருத்துவப் படியும் சேர்த்து மொத்தம் ₹ 8,000 வழங்கப்படுகிறது. இந்த உதவித்தொகை அவர்களின் வாழ்நாள் முழுவதும் வழங்கப்படும்.
• பயனாளிகள் எண்ணிக்கை உயர்வு: 2025-2026ஆம் ஆண்டுக்கான மானியக் கோரிக்கையின் அறிவிப்பின்படி, இந்தத் திட்டத்தில் பயன்பெறும் தமிழறிஞர்களின் எண்ணிக்கை ஆண்டுக்கு 100-லிருந்து 150-ஆக உயர்த்தப்பட்டுள்ளது.
• பயணச் சலுகை: உதவித்தொகை பெறும் தமிழறிஞர்களுக்கு அரசுப் பேருந்துகளில் கட்டணமில்லாப் பயணச் சலுகையும் வழங்கப்படுகிறது.
• வாரிசுதாரர்களுக்கு உதவி: தமிழறிஞரின் மறைவுக்குப் பிறகு, அவருடைய வாழ்விணையர் / திருமணமாகாத மகள் / விதவை மகள் ஆகியோருக்கு, வாழ்நாள் முழுவதும் மாதம் ₹ 2,500 உதவித்தொகை மற்றும் ₹ 500 மருத்துவப் படி வழங்கப்படும்.

விண்ணப்பிக்கத் தகுதிகள்

இத்திட்டத்தில் பயன்பெற விரும்பும் தமிழறிஞர்களிடமிருந்து 2025-2026ஆம் ஆண்டுக்கான விண்ணப்பங்கள் வரவேற்கப்படுகின்றன.

1. வயது: 01.01.2025 ஆம் நாளன்று 58 வயது நிறைவடைந்திருக்க வேண்டும்.
2. வருமானம்: குடும்பத்தின் ஆண்டு வருமானம் ₹ 1,20,000/-க்குள் இருக்க வேண்டும். (வட்டாட்சியர் அலுவலகத்தில் பெறப்பட்ட இணையவழி வருமானச் சான்று அவசியம்).
3. ஆவணங்கள்: தமிழ்ப்பணி ஆற்றியமைக்கான விவரக் குறிப்பு மற்றும் தமிழ்ப்பணி ஆற்றி வருவதற்கான பரிந்துரைச் சான்று இரண்டு தமிழறிஞர்களிடமிருந்து பெற்று இணைக்க வேண்டும்.
4. நகல்கள்: ஆதார் அட்டை நகல், குடும்ப அட்டை நகல் (ஸ்மார்ட் கார்டு), மற்றும் மரபுரிமையர் (கணவன் / மனைவி) இருப்பின் அவரது ஆதார் அட்டை நகல் இணைக்க வேண்டும்.

விண்ணப்பத்தை பெறுவது மற்றும் சமர்ப்பிப்பது எப்படி?

• விண்ணப்பப் படிவம்: விண்ணப்பப் படிவத்தை மண்டில/மாவட்டத் தமிழ் வளர்ச்சித் துணை/உதவி இயக்குநர் அலுவலகங்களிலோ அல்லது தமிழ் வளர்ச்சித் துறையின் அதிகாரப்பூர்வ வலைத்தளமான www.tamilvalarchithurai.tn.gov.in -இலிருந்து கட்டணமின்றிப் பதிவிறக்கம் செய்தோ பெற்றுக்கொள்ளலாம்.
• சமர்ப்பிக்கும் முறை: பூர்த்தி செய்யப்பட்ட விண்ணப்பங்களை நேரிலும் அல்லது tamilvalarchithurai.org/agavai/ என்ற வலைதளம் வாயிலாகவும் சமர்ப்பிக்கலாம்.
• அனுப்ப வேண்டிய முகவரி: அந்தந்த மாவட்டங்களில் உள்ள மாவட்டாட்சியர் அலுவலகங்களில் இயங்கிவரும் மண்டில/மாவட்டத் தமிழ் வளர்ச்சித் துறை அலுவலகங்கள் வாயிலாக மட்டுமே விண்ணப்பங்கள் அனுப்பப்பட வேண்டும்.
  • சென்னையைச் சேர்ந்தவர்கள் மட்டும்: நிறைவு செய்யப்பட்ட விண்ணப்பங்களை இயக்குநர், தமிழ் வளர்ச்சி இயக்ககம், தமிழ்ச்சாலை, எழும்பூர், சென்னை – 600008 என்ற முகவரிக்கு நேரடியாக அனுப்பலாம்.
• கடைசி தேதி: பூர்த்தி செய்யப்பட்ட விண்ணப்பங்கள் 17.11.2025 ஆம் நாளுக்குள் அந்தந்த மாவட்டத் தமிழ் வளர்ச்சித் துறை அலுவலகங்களுக்கு வந்து சேர வேண்டும்.

யாரெல்லாம் விண்ணப்பிக்க முடியாது?

• மகளிர் உரிமைத் தொகை, சமூகநல பாதுகாப்பு உதவித்தொகை போன்ற தமிழ்நாடு அரசின் வேறு திட்டங்களின் வாயிலாக உதவித்தொகை அல்லது ஓய்வூதியம் பெற்று வரும் பயனாளிகள் இத்திட்டத்திற்கு விண்ணப்பிக்க இயலாது.

மேலும் விவரங்களுக்கு: www.tamilvalarchithurai.org என்ற வலைதளத்தில் தெரிந்து கொள்ளலாம்.